حرية قلم

مرحباً بكم في منتدى حرية قلم
مع تحيات
ادارة المنتدي

الحريه في كل نواحي الحياه ، الحريه في الوطن ، الحريه في الاختيار ، الحريه في التعبير ، الحريه في الرائ


    شكوى للمدير العام

    شاطر
    avatar
    كتاب بلا أوراق
    مشرف
    مشرف

    تاريخ التسجيل : 05/03/2011
    العمر : 34
    الموقع : مصري مقيم بالكويت

    default شكوى للمدير العام

    مُساهمة من طرف كتاب بلا أوراق في الأربعاء مارس 23, 2011 1:48 am


    دي قصيدة بالعامية كنت نشرتها بالمدونة بتاعتي وحبيت أنشرها ليكم وأشوف رأيكم إيه ؟

    قصيدتي العامية : شكوى للمدير العام

    ياسامع كلامي إسمعه كويس وشوف معناه

    كلامي زي العسل وجواه مر علقم ومعاناه

    كاتم جوه قلبي شكوتي ومحروم من قولة آه

    عرضت حالي على ناس مقدروش تعبي ومعناه

    شهور فاتت وأنا جوه حشاي هموم ومعاناه

    كتبت طلب وخلاه على الرف من غير مايشوف معناه

    أسأل وأقول فين الطلب ؟ قالوا طلبك قدم ورميناه

    الحل إيه فيدوني ؟ أنا واقع والزمان رماه

    قالولي إكتب غيره طلبك القديم كان موقع عليه قاسم وفنشناه

    روح لرئيسك الحالي يوقعلك عليه مكان قاسم إحنا رقيناه

    وكتبت طلب ووديته بإيدي أخده مني ووضعه على أوراق كانت معاه

    فات يوم وإثنين قلت أسأل وصلنا لفين ؟ قالي طلبك لسه ماوقعناه

    رحت لراجل حكيم يشوف إيه الحكاية وحلفته بعبد أللآه

    قالي إنت عارف وغيرك يعرف إن مفيش خير في الدنيا إلا وقدمناه

    رجعت أضرب كف بكف على الشقى والجهد إللي ضيعناه

    ساعتها حزنت كأني مودع ميت وفي التراب دفناه

    قابلني صاحبي قالي أصبر شويه المدير نازل إستناه

    ونزل المدير العام وكلمته وقلتله ياسيادة المدير رد ( نعم )

    لو تسمح سيادتك أنا عايز معاك أتكلم

    وأنا من خبرتك في الحياة بدرس وأتعلم

    قالي المدير العام ( إيه الحكاية ) ؟

    أنا حكايتي الكل عارفها وسيادتك من الأول شايفها

    أنا بآخد معاش بسيط شوية يزيد بالتقسيط

    أصل الحكاية ببساطة لا محتاجة كارت ولا وساطة

    أنا كنت عامل بسيط وفلحت تعلمت الفن ونجحت

    وكتبت طلب لسيادتكم ووقعته وكان معاه شهادة

    والراتب فضل هو هو ومجاش عليه زيادة

    نظرت على كتفي مالقيتش نجمة ولا على صدري قلادة

    وأنا ليا سنين عن أهلي بعيد

    وشغال شغل يهد الحيل ويرخي الحديد

    والراتب شوية دين وشوية مصروف

    كل شهر أقول تتعدل وتتحسن الظروف

    والطلب إديته للسيد سيدو خد مني الطلب بإيده

    ها أروح أجيب الطلب لسيادتك توقعلي عليه ؟

    يمكن آن الأوان أترقى وأبقى بيه


    *************************************************
    [ندعوك للتسجيل في المنتدى أو التعريف بنفسك لمعاينة هذا الرابط]


    [ندعوك للتسجيل في المنتدى أو التعريف بنفسك لمعاينة هذا الرابط]

      الوقت/التاريخ الآن هو الثلاثاء أكتوبر 24, 2017 2:53 am