حرية قلم

مرحباً بكم في منتدى حرية قلم
مع تحيات
ادارة المنتدي

الحريه في كل نواحي الحياه ، الحريه في الوطن ، الحريه في الاختيار ، الحريه في التعبير ، الحريه في الرائ


    لا للمستحيل

    شاطر

    ضياء الحلوجي
    مدير المنتدى
    مدير المنتدى

    تاريخ التسجيل : 05/03/2011
    العمر : 37

    default لا للمستحيل

    مُساهمة من طرف ضياء الحلوجي في الجمعة مارس 11, 2011 11:11 pm

    جديد يا فهمانة حضري حالك انتي والبنت صبرية ليوم الخميس ..

    - خير يا ابو صابر شو ناوي تأخدنا رحلة او زيارة؟

    - يا ستي لا رحلة ولا زيارة، الموضوع يوم الخميس جاي لعنا اخوي ومرته وابنهم صبري عشان يخطبوا البنت صبرية لابنهم..

    - لكن البنت عايزة تتعلم يا زلمة وانت ما شاورتها..

    - اه هذا اللي ناقص عايزة اشاورها ومن امتى احنا بنشاور النسوان؟ انا كبير الدار وبعرف مصلحة بنتي ومثل ما بقول المثل "جحا اولا بلحم ثوره" واللي في راسي لازم امشيه..

    - حرام يا ابو صابر البنت ناجحة بدراستها وبدها اتكمل تعليمها بالجامعة وحضرتك ناوي تبيعها مثل اللحمة بالكيلو ..

    - يا فهمانة الزمي حدودك ولا تكثري حكي انا بعمل لمصلحة البنت. قال تعليم قال وآخرتها للجلي والغسيل وطق الحكي والقال والقيل ..

    - يا رجال كل اشي ممكن ايصير بالخناق الا الزواج بالاتفاق..

    - ايوه انا فهمان شو قصدك. الموضوع لان ابن اخي العريس لو كان حد غيره كان اختلف الحال وفقعتيها زغروتة مع موال..

    - طيب يا ابو صابر اذا كان كلامي انا مش مسموع شاور صبرية بالموضوع..

    - بقول صبرية جاهلة وما ابتعرف مصلحتها وبيقول المثل "اخطب لبنتك قبل ابنك"..

    - انا ما بدي اعمل معك خناقة هي بنتك قدامك وانت حر فيها لكن بقول خطيتها برقبتك لان نفسها تكمل تعليمها. ومثل ما بقولو التعليم حماية لمستقبلها..

    - مستقبلها مع ابن عمها. شو ناقصة ولد شغيل وطول عمره من الورشة للفرشة صحيح انه مش متعلم كثير لكن ولد دغري لا يمين ولا شمال. يا عمي طالع لعمه هذا غير حلاوته وخفة دمه..

    - آه مهو صدق من قال الولد بعين أمه غزال..

    - شو بشوف قاعدين تتقاتلو مثل العادة..!!

    - لا يا بنتي يا صبرية هذا نقاش بيني وبين امك عشان انا رجال ديمقراطي او بشاور ناسي لكن بالآخر بعمل إلي في راسي ..

    - ابوكي يا صبرية بقول انو عايز ايجوزك لابن عمك ..

    - صحيح هل كلام يا يابا ..

    -ايوا صحيح ولا تخلي امك تلعب بعقلك. ابن عمك شب منيح انتي بتلبقيله وهو بلبقلك..

    - لكن يابا انا بدي اكمل تعليمي وما بفكر بالزواج ..

    - يا صبرية مصير البنت تتزوج وانا ادرى بمصلحتك..

    - مصلحتي يابا في التعليم لان التعليم والشهادة سلاح البنت للمستقبل وانا معدلي منيح وعايزة اكمل تعليمي الجامعي..

    - وشو بلا قافيه ناوية تدرسي ..

    - بفكر اكمل في كلية الحقوق .

    - حقوق ايش يا معدلة مهي طول عمرها حقوقنا ضايعة..

    - قصدي ادرس محامية ..

    - اه يا عيني قصدك ابو كاتو امنيح ومصيرك تجيبي الشهادة وتعلقيها على الحيط مع برواز مذهب..

    - اكيد رايحة انجح وبكرا بتشوف ..

    - اي شدي حيلك يمكن ايحطوكي مع الوفد المفاوض لحتى تحلي القضية و يقولوا حلتها الست صبرية..

    - يا رجال بدل ما اتشجع البنت بدك تقف في طريقها..

    - انا قلت الي عندي ومش ناقصني وجع راس وكلام كثير من غير اساس …

    صبرية محتارة بين الاستسلام والقبول او الرفض ومواصلة التعليم ولانها لن تجد تفهما من والدها قررت ان تحل مشكلتها بنفسها لان الانسان ارادة وموقف وخاصة حينما يتعلق الموضوع بمستقبله وكان ان ارسلت الى ابن عمها من يخبره انها تريد الحديث معه وحضر الى منزلهم وكان في نيتها اقناع ابن عمها برغبتها بالتعليم وان يرفض او يؤجل الزواج منها او ان ينتظر لحين تخرجها لكن دون قيود او التزام، هكذا فكرت وحصل اللقاء. وتفهم ابن عمها الموضوع. ولانه شاب عنده شهامة لم يرغب ان يفرض نفسه على انسانة لا ترغب به.. وتعلمت صبرية واكملت تعليمها الجامعي وحصلت على شهادة التخرج بامتياز لان شعارها بالحياة كان: لا مستحيل

      الوقت/التاريخ الآن هو الجمعة يناير 20, 2017 10:02 pm